خبرونهاقتصادټولنه

په قندهار کې شپږ سوه کسانو ته د کار زمينه برابره شوه

کابل، د غبرګولی ۱۴ مه، باختر

د قندهار په ارغنداب ولسوالۍ کې د جوی لاهور کانال د پاکولو پروژې په پیل سره ۶۰۰ کسانو ته د کار زمینه برابره شوه.

د باختر آژانس د خبرله مخې؛ د هغې خبرپاڼې له مخې چې  نن د اوبو او انرژۍ وزارت له خوا خپره شوې راغلي؛ دغه کانال د ارغنداب ولسوالۍ د سیندیزې ادارې          په مرسته  او د افغانستان  د بيا رغوني لپاره د ملګروملتونو ادارې (ACHRO)،              د کډوالو په چارو کې د ملګرو ملتونو د عالي کمېشنرۍ (UNHCR) استازو، د ارغنداب ولسوالۍ چارواکو او قومي مشرانو په ګډون پرانيستل شو.

د دې  کانال د پرانیستې په مراسمو کې د ارغنداب ولسوالۍ د دريايي حوزې مسوولینو  د کانال پاکول په هېواد کې د کرنې د ودې لپاره ستر خدمت وباله او د دغه شان پروژو په تطبیق کې یې د اسلامي امارت د همکارۍ ډاډ ورکړ.

په همدې حال کې د ارغنداب ولسوالۍ اوسېدونکو، دیني عالمانو او قومي مشرانو خلکو ته د کاري فرصتونو رامنځته کېدل يو نيک اقدام وباله اوله نړیوالو موسسو او د افغانستان اسلامي امارت څخه يې وغوښتل چې خلکو ته زياته  کاري زمينه برابره کړي.

د یادونې وړ ده چې د “جوی لاهور”  سترکانال۲۰ کیلومتره اوږدوالی او ۴ متره سور لري، چې د ورځې د ۴۰۰ افغانیو په مقابل کې  د سيمې ۶۰۰ کسانو ته د کار زمینه برابره شوه.

\ ذ

نمایش بیشتر

نوشته های مشابه

دکمه بازگشت به بالا