خبرونهټولنه

په  لوګر کې سېلاو ځپلو کورنیو مرسته ترلاسه کړه

کابل، د چنګاښ٢٢مه، باختر

د لوګر د کليو، بيا رغونې او پراختيا رياست مطبوعاتي مسوول  صبغت الله نايب خېل باختر آژانس ته وويل، چې د لوګر د کليو، بيا رغونې او پراختيا رياست د دغه ولايت د بيړني حالت د کميټې په همغږۍ  نن پر ٤٣ کورنيو چې  کورونه يې د لوګر په مرکز، څرخ او بره کي برک په ولسواليو کې د سېلاوونو له امله وېجاړ شوي وو، د کليو، بيا رغونې او پراختيا رياست له خوا خيمې، ترپالونه، د اوبو سطلونه، د لاس مينځلو صابونونه او د اوبو پاکونکي تابلېتونه او د دغه ولايت له طبيعي پېښو سره د مبارزې ادارې  په هرې کورنۍ يوه  يوه بورۍ وريجې وويشلې.

هغه په لوګر کې  له سېلاو ځپلو سره د زياتو مرستو د ترسره کولو خبر هم ورکړ.

د يادونې وړ ده، چې په لوګر کې د وروستيو سېلاوونو د راوتلو له امله د دغه ولايت په مرکز او ولسواليو کې د زرګونو جريبه ځمکې حاصلات له منځه تللي او د استوګنې په لسګونو کورونه وېجاړ شوي او يو ماشوم هم وژل شوى دى.

\ ج

دوام

ورته لیکنې

دکمه بازگشت به بالا