کابل – باختر دکب دمياشتې ١٩
سويډن په سمنګانو ولايت کې اووه ويشت بنسټيزې پروژې تطبيقوي .
دغه ټکى په شمال زون کې دسويډن سفير نن دسمنګانو له والي خيرالله انوش
سره په کتنه کې څرګند کړ او ويې ويل چې سويډن له ٢٠١٤ م کال وروسته دخپلو مرستو په دوام ژمن دى .
دسويدن سفير وويل هيواد يې دپوهنې ، روغتيا او فوايد عامې په برخو کې دسمنګانو په مرکز او ولسواليو کې خپلې پروژې تطبيقوي.
ده وويل : اوس د اوو پروژو کار په عملي ډول پيل شوى دى او دنورو پروژو کاربه هم ډير ژر پيل شي.
د سويډن سفير دغه راز وويل چې په تيرکال کې هم هيواد يې د سويدن کميټې دکليوالي پراختيا د پروګرام له لارې دپوهنې ، روغتيا او د فوايد عامې په برخو کې يو پنځوس پروژې ترلاسه لاندې نيولي دې چې له دې جملې څخه اووه ديرش پروژې بشپړې شوې دي او دنورو پروژو کار دوام لري .
دسمنګانو والي خيرالله انوش په دې کتنه کې په دغه ولايت دبيارغاونې په برخو کې دسويډن د مرستو له امله قدرداني وکړه او ويې ويل چې په سمنګانو کې سراسرى امنيت تامين دى او په دغه ولايت کې دپرمختيايي پروژو د تطبيق لپاره زمينې تطبيقې کړې .
په دې کتنه کې دسويدن سفير دجمهوري رياست د لومړي مرستيال مارشال محمد قسيم فهيم دمړينې له امله د سويډن دخلکو د ډاډګيرنې مراتب څرګند کړل.
0 1 دقیقه لوستل