خبرونهټولنه

په نیمروز کې عقیدتي شورا ګانې  جوړې شوې

کابل، د غبرګولي۲۱مه، باختر

په نیمروز ولایت کې پرون عقیدتي  شورا ګانې جوړې شوې.

د باختر آژانس د خبريال د خبر له مخې؛ دغه عقیدتي شورا ګانې د زرنج ښار د دويمې او څلورمې امنيتي حوزې په مربوطاتو کې جوړې شوې.

د څلورمې امنیتي حوزې عقیدتي آمر قاري ادریس آغا “نقشبندي” وویل، چې د دغو شوراګانو یوه غونډه د څلورمې ناحیې پورې اړوند په قبا جومات کې د ۲۵ تنو په ګډون جوړه شوه.

نقشبندي د شورا پر غړو غږ وکړ، چې د فساد د مخنيوي لپاره له سيمه ييزو چارواکو سره همکاري وکړي.

د دويمې حوزې عقیدتي آمر قاري علي محمد “حيدري” هم په سيستان ښارګوټي کې د شل کسيزې شورا د جوړېدو خبر ورکړ او ويې ويل، چې په دې شورا کې دوه حجاب لرونکي ښځې هم شاملې دي.

دغه  شوراګانې د کارونو د ښه کولو او په ځینو مواردو کې د فساد د مخنیوي لپاره کار کوي.

ع

نمایش بیشتر

نوشته های مشابه

دکمه بازگشت به بالا