په ننګرهار کې دطالبانو او داعشيانو ترمنځ مرګانيو نښتو دوام .

-کابل باختر د وري اتلسمه :
په ننګرهار ولايت کې دداعشيانو او طالبانو ترمنځ مرګانۍ  نښتې هماغه شان دوام لري .
دغه جګړې ددې سبب شوي دي چې په سلګونو کورنۍ له خپلو کورونو او ټاټوبو څخه وتلو ته اړې شي .
دغه جګړې له مياشتو مياشتو  راپديخوا  دننګرهار ولايت دمومند درې او چپرهار  دولسواليو په ځينو سيمو کې دوام لري .
دهېواد په ختيځ کې دپوليسو يوه جګپوړي  قوماندان باختراژانس ته وويل چې په دغو نويو نښتو کې دداعش او دطالبانو دډلو څوارلس تنه غړي وژل شوي دي .
  ده وويل چې دغه جګړې  په يوې بلې ددغو دوو ډار اچوونکو  ډلو داقتدار غوښتنې پرسر پيل شوي دي .
  ډار اچوونکو دغه راز  تر خپلې ادارې لاندې کليو په بريدونوسره  څو  کورونو ته اور واچاوه .
په څو وروستيو  کلونوکې دهېواد ځينې سيمې دطالبانو او داعشيانو ترمنځ دخونړيو نښتو ډګر دى .
دغه جګړې ددې سبب شوې دي چې ملکي وګړو ته دسرزيان  داوښتو ترڅنګ په سلګونو کليوالي اوسيدونکي له خپلو کورونو او ټاټوبو څخه وتلو ته اړ شي .
  ختم_ عطاالله _اکرم