– کابل، د وري ۸مه، باختر
د هرات د اطلاعاتو او کلتور ریاست مسوولین وايي، چې په دغه ولایت کې د مومني خپرولو له لوري د درملو پلورونکو اتحادیې په همکارۍ د مطالعې فرهنګ د ودې په موخه د کتابونو نندارتون جوړ شو.
د مومني خپرونو رئيس عبدالله مومني د باختر آژانس له خبريال سره په خبرو کې وويل، چې تېر کال يې د بېلابېلو ټولنو په همکارۍ په ښار کې اته نندارتونونه جوړ کړي وو، چې د د خلکو له تود هرکلي سره مخ شول.
ورته مهال د هرات د اطلاعاتو او کلتور رئیس مولانا نعیم الحق حقاني وايي، چې اسلامي امارت د مطالعې په خاطر د دا ډول نندارتونونو تود هرکلی کوي او هر هغه څوک چې په دې برخه کې کار کوي، اسلامي امارت یې ملاتړ دی.
لمر
