کابل، د غوايي ۹مه، باختر
د هرات د کار او ټولنیزو چارو ریاست مسوولین وايي، چې د یاد ولایت د عامې روغتیا ریاست په همکارۍ د تېرکال په بهیر کې په بېلابېلو روغتیايي مرکزونو کې د ۲۰۲۰ بې سرپرستو ناروغو ماشومانو درملنه کړې ده.
د دغه ولایت د کار او ټولنیزو چارو رییس حافظ میرزا محمد ابو منصور د باختر آژانس خبریال ته وویل، چې د دغو ناروغو ماشومانو درملنه د عامې روغتیا له ریاست سره تر هوکړې وروسته په وړیا توګه ترسره شوې ده.
منصور زیاته کړه، چې یاد ریاست هڅه کوي، څو په ښار کې د ټولو یټیمانو او بې سرپرستو ماشومانو ستونزو ته په بېلا بېلو برخو کې د پای ټکی کېږدي.
جهانیار
