کابل باختر دتلي شپاړلسمه :
په غزني ولايت کې دديارلسو تاريخي ابداتو دترميمولو او مرمت کولو کار نن پيل شو .
دغزني ولايت داطلاعاتو اوفرهنګ رييس بشير محمدي باختراژانس ته وويل چې ددغو ابداتو دترميمولو او مرمت کولو کار چې دسلطان عبدالرزاق موزيم ، دسلطان مسعود ماڼۍ ، دبهرام شاه څلى ، دسلطان محمود مقبره او نورې تاريخي سيمې شاملې دي چې داطلاعاتو اوفرهنګ وزارت له پرمختيايي بودجې څخه داوو مليونو افغانيو په لګښت په غزني ښار کې پيل شو .
له دې سره جوخت د ځينو هغو ساحو دکيندنې کار چې په هغو کې لرغونې او تاريخي اثار پيژندل شوي دي هم پيل شول .
دغزني والي وحيد الله کريمزي ددغو پروژو دکار دپيل په وخت کې وويل چې ددغو پروژو تطبيق ددغه ولايت دتاريخي ارزښتونو دساتنې لپاره ارزښتناک وباله . او زياته يې کړه چې دغزني فرهنګي او تاريخي سيمې دافغانستان دخلکو دتاريخي او اسلامي هويت څرګندوى دي .
ختم_ ف _ اکرم
0 1 دقیقه لوستل