خبرونهروغتیا

په هېواد د روغتيايي او دوايي خدمتونو خونه جوړېږي

کابل، د زمري ٢مه، باختر

په هغې غونډه کې چې د صنعت او سوداګرۍ سرپرست وزیر نورالدين عزيزي په مشرۍ او د روغتيايي او دوايي خدمتونو سکتور د استازو په ګډون جوړه شوې وه، په هېواد کې روغتيايي او دوايي خدمتونو د جوړولو په اړه خبرې وشوې.

د باختراژانس د خبرله مخې؛ په هغې خبرپاڼه کې چې د صنعت او سوداګرۍ وزارت له خوا خپره شوې ده ويل شوي، چې په دې غونډه کې د روغتيايي او دوايي خدمتونو د سکتور استازو خپلې ستونزې بيان کړې او د دغې  خونې له جوړولو سره يې  خپله موافقه اعلام کړه.

په همدې حال کې نورالدين عزيزي هم د دغې خونې  د جوړولو او په دې برخه کې له خصوصي سکتور د صنعت او سوداګرۍ وزارت هر اړخيز ملاتړ اعلام کړى دى.

نوموړي څرګنده کړه چې د خلکو  په تېره بيا د ناروغانو ستونزو ته په پام کې نيولو سره  په دې برخه کې بايد زياتې اسانتياوې  برابرې شي چې ناروغان په هېواد کې تداوي شي.

له بله پلوه د افغانستان د سوداګرۍ خونو د فدراسيون مرستيال خانجان الکوزي په يوه پيغام کې د روغتيايي او دوايي خدمتونو د خونې جوړول يو ښه ګام بللى او د هغه ملاتړ يې کړى دى.

د غونډې په پاى کې تصميم نيول شوى، چې د روغتايي او دوايي خدمتونو سکتور  د استازو او د اړوندو ادارو ترمنځ  د همغږۍ غونډه جوړه شي.

\ ذ

دوام

ورته لیکنې

دکمه بازگشت به بالا