خبرونهټولنه

په پروان کې پر پنځه سوه کورنيو خوراکي او غيرخوراکي توکي ووېشل

کابل / د لړم ١۳مه / باختر

د کډوالو او راستنېدونکو چارو وزارت په پروان کې پر ۵٠٠ بېوزلو کورنيو خوراکي او غير خوراکي توکي ووېشل.

د پروان د کډوالو او راستنېدونکو چارو رياست سرپرست مولوي محمد ابراهيم ميا وويل چې دغې ادارې پر هرې کورنۍ يوه بوړۍ اوړه، دوه نيم کيلوغوړي، ۵ کيلو بوره، صابون او جامې ووېشلې.

د دغو مرستو ارزښت چې د کډوالو او راستنېدونکو چارو وزارت له بودجې څخه چمتو شوې وې، يو مليونو ۷۰۰ زره افغانۍ کېږي.

صفي الله اخندزاده، الف الدين او سجاد د دغو کورنيو په استازيتوب د مرستو له امله له اسلامي امارت څخه مننه وکړه او له بېوزله کورنيو سره يې په ژمي کې د زياتو مرستو غوښتنه وکړه.

ج-ا

دوام

ورته لیکنې

دکمه بازگشت به بالا