بغداد وى او اې باختر دکب دمياشتې ١٩
په عراق کې په يوې امنيتي پوستې پرون دځانمرګي بريد له امله څه ناڅه پنځه څلويښت تنه ووژل شول او نږدې يو سلو شپيته تنه نور ټپيان شول .
دغه ځانمرګى بريد ديو ځانمرګي له خوا له يوه ميني بس موټر څخه په استفادې سره د عراق په حله ښارکې وشو چې دچاودنې ساحې ته څيرمه زياترو ليږدونکو وسايطو اور واخيست .
تراوسه پورې ددغې چاودنې مسووليت چا په غاړه نه دى اخستى
عراق له څوکلونو راپه دې خوا د ډير سخت تاوتريخوالي ډګر دى چې له امله يې يوازې په روان ميلادي کال کې څه د پاسه زر تنه وژل شوي او په سل ګونو تنه نور ټپيان شوي دي .
