کابل، د سلواغې ٧مه، باختر
په پکتيا، بلخ او پکتیکا ولایتونو کې له ٨ زره ٣٣٢ بې وزله کورنیو سره مرسته وشوه.
د خوړو نړیوال پروګرام په مالي مرسته د پکتیکا په نکه ولسوالۍ کې پر ١٨٠٠ اړمنو کورنیو خوراکي توکي ووېشل شول، چې په کې ٧٥ کیلواوړه، ٦ لېټره غوړي، ١٠ کیلو دال، او نور خوراکي توکي شامل وو.
او دغه راز د دې ولایت تروې ولسوالۍ کې هم پر ٢ زره ٤٨٢ اړمنو کورنيو خوراکي توکې ووېشل شول، چې په کې اوړه، غوړي او مالګه شامله وه.
ورته مهال په بلخ کې د لاس په لاس موسسې په مالي ملاتړ ٤٥٠ اړمنو کورنیو باندې خوراکي توکي ووېشل شول، چې ٢ بورۍ اوړه، ۲ بورۍ وریجي، ٢٠ لېټره غوړي، ٧ کیلو لوبیا او نور خوراکي توکي ورکړل شول.
همدارنګه پکتیا کې پر ٤ زره ٥٠ بېوزله کورنیو خوراکي توکي ووېشل شول، چې هرې کورنۍ ته په کې ۵۰ کیلو اوړه، ۴.۵۵ کیلو غوړي، ۶.۲۵۰ کیلو دال او یو پاکټ مالګه ورکړل شوه.
لمر
