کابل باختر دليندى اوولسمه :
داسيا دبنسټ د ٢٠١٦ کال دسروي نتيجې نن په يوه خبرې غونډه کې بيان شوې .
دباختراژانس دخبريال دخبر له مخې ددغې خبري غونډې په پيل کې داسيا د بنسټ رييس عبدالله احمدزي دترسره شوې سروې په باره کې وويل چې ددغه بنسټ کارکوونکي دهېواد په څلور ديرشو ولايتونو کې له ١٢٦٠٠ تنو سره دامنيت ، اقتصادي ودې او کارموندلو دښې حکومتوالۍ دپراختيا سياسي مشارکت ، په اطلاعاتو دلاسرسي مهاجرت او په ټولنه کې دښځو درول په وړاندې د چلندونو په باب مخامخې مرکې کړي دي .
ده وويل چې دغه مرکې له زياتو ستونزو سره جوختې وې او ټولو خلکو سوله او امنيت خپلې لومړي درجه غوښتنې بللې دي .
داسيا بنسټ دنړيوال انکشاف يوه غير انتفاعي موسسه ده او دښې حکومتوالۍ دپياوړتيا ، دښځو دځواکمن کولو د اقتصادي فرصتونو دپراختيا په خپلو پښو دښځو دبيا درولو دځواکمنۍ دزياتوالي او داقتصادي همکاريو دلوړولو په باب فعاليت کوي .
په دې غونډه کې داطلاعاتو اوفرهنګ وزارت دخپرونو دچارو معينې پوهنيارې سيدې مژګان مصطفوي ، دملي شورا يوشمير غړو او دځينو دولتي ادارو استازو ګډون کړي و .
2 1 دقیقه لوستل