کابل باختر د کب پنځه ويشتمه :
په هرات ولايت کې دطالبانو ترمنځ نښتې دوام لري .
په دغو نښتو کې تراوسه پورې شپږ تنه ډار اچوونکي وژل شوي دي .
دغه نښتې کابو لس ورځې مخکې دطالبانو ترمنځ دګلران ولسوالۍ په ځينو سيمو کې پيل شوي دي .
دهرات ولايت يوه امنيتي مسوول باختراژانس ته وويل چې په دغو نښتو کې له ښکيلو لورو څخه شپږ تنه وژل شوي دي .
دغه نښتې دطالبانو ددوو دښمنو ډلو ملا رسول او ملا هيبت الله اخند زاده ترمنځ دګلران ولسوالۍ په کمرزرد سيمه کې شوې دي .
ددغودوو ډلو طالبانو ترمنځ دنښتو دليل دهغو پټو اعلاميو خپرول بلل شوي دي چې دملا عبدالمنان نيازي له خوا د ملاهيبت الله دډلې ترمنځ داختلافونو دژورتيا په مقصد په دې وروستيو وختو کې خپره شوې ده .
په هرات ولايت کې دطالبانو ددښمنو ډلو ترمنځ نښتې زياتې تر سترګو کيږي .
ددغو نښتو لمن اوس شينډنډ او پښتون زرغون ته هم پراخه شوې ده.
ختم_ عطاالله _ اکرم
