کابل، د سلواغې ۳۰مه، باختر
د کډوالو او راستنېدونوکو چارو وزارت سرپرست خليل الرحمن حقاني د ارشاد، حج او اوقافو له سرپرست شیخ نورمحمد ثاقب سره د هغه د کار په دفتر کې وکتل.
په دې کتنه کې د کډوالو او راستنېدونوکو چارو وزارت سرپرست خليل الرحمن حقاني د راستانه شویو هېوادوالو لپاره د حج فریضې ادا کولو په تګلاره، سهمونو او نورو اسانتیاو د رامنځته کولو په اړه خبرې کړي دي.
ټاکل شوې ده، چې د کډوالو او راستنېدونوکو چارو وزارت له لوري سږکال به هم د تېر په څېر ٦٠٠ تنه افغان کډوال د حج فریضې ادا کولو لپاره ولېږدول شي.
