ښوونه او روزنه

په پکتیکا کې د نجونو زده کوونکو لپاره لیلیه جوړیږي

ښرنه باختر  د زمري ۶ مه
د پکتیکا ولایت په مرکز  ښرنه کې د نجونو زده کوونکو لپاره د یو شپېته مېلیونو افغانیو په لګښت لیلیه جوړيږي.
چارواکي وايي: دغه  ودانۍ په څلورو  پوړنو  کې جوړيږي  چې دوه دېرش خونې به ولري  او د دوو کلونو  په موده کې  به  ګټې  اخېستنې ته وسپارل شي.
د پکتیکا د پوهنې  ریېس انجینر محراب الدین شفق د باختر اژانس سیمه یېز خبریال ته وویل چې، د دغې لیليې  په جوړېدو سره  به ۲۸۴ تنو نجونو  ته  په  لیلیه  کې د اوسېدو زمینه برابره شي.
د پکتیکا والي  محمد الیاس وحدت  د دغه ولایت له  مېشتو خلکو  څخه وغوښتل چې،له ناسمو دودونو څخه تېر شي او  خپلو لوڼو او خویندو ته  د  زده کړو لپاره اجازه  ورکړي.پای/وصال

نور ښکاره کړئ

اړونده مقالې

بیرته پورته تڼۍ ته