خبرونهتبصره او مطبوعاتو ته کتنه

په کابل کې د ځینوغیردولتي ورځپاڼو خپرونو ته یوه کتنه

کابل، د زمري٩ مه، باختر

یو شمېرغيردولتي ورځپاڼو په خپلو نننیو ګڼو کې د هېواد پر بېلابېلو سیاسي، پوځي، سیمې او د نړۍ روانو پېښو په اړه يو لړمطالب او راپورونه خپاره کړي دي.

د باختر آژانس خبريال د دغو ورځپاڼو خپرونو ته په کتنې سره  دغه رپوټ چمتو کړى دى.

د اطلاعاتو روز ورځپاڼې” په افغانستان کې مرګوني سېلاونو په وروستۍ يوه مياشت کې ١٢٠- تنه وژلي دي  “ترعنوان لاندې لیکلي دي.

پېښو ته د رسیده ګۍ په چارو کې د دولت وزارت وايي چې  د وروستۍ يوې مياشتې په بهير کې په ٢١ ولايتونو کې ١٢٠ تنه د سېلاونو له امله وژل شوي او ١٥٢ نور ټپيان شوي دي.

دغې ورځپاڼې “منظور پشتين:  د افغانستان اتباع د پاکستان له زندان څخه ازاد شول ” ترعنوان لاندې په يوبل مطلب کې ليکلي دي.

د پاکستان د پښتون ژغورنې غورځنګ مشر منظور پښتين  د بلوچستان ايالت د ژوب سيمې له زندان څخه د افغانستان اتباعو د خلاصون خبر ورکړی دی.

خبر ورکړل شوى، چې د پاکستان  د بلوچستان ايالت پوليسو د جولای په ٢٧مه  د افغانستان  ٢٤٤ تنه اتباع پاکستان ته د غيرقانوني ننوتلو په تور نيولي دي.

د ٨ صبح ورځپاڼي”  په بلخ کې په يوه ترافيکي پيښه کې ١٤ تنو ته مرګ ژوبله واوښته ” ترعنوان لاندې لیکلي دي.

د بلخ ولايت خبرځايونو د ٨ صبح ورځپاڼې ته ويلي، چې د بلخ – سرپل د لوېي  لارې په اوږدو کې  په يوه ترافيکي پېښه کې د ښځو او ماشومانو په ګډون ٤ تنه وژل شوي او ١٠ نور ټپيان شوي دي.

د اسلامي امارت سيمه ييزو مسوولينو هم ويلي، چې دا پېښه د زمري په ٨ مه د بلخ ولايت  د شولګرې ولسوالۍ په مربوطاتو کې رامنځته شوې ده.

دوام

ورته لیکنې

دکمه بازگشت به بالا