خبرونهتبصره او مطبوعاتو ته کتنه

په کابل کې د ځینوغیر دولتي ورځپاڼو خپرونو ته یوه کتنه

 کابل، د دزمري١٠ مه، باختر

یو شمېرغير دولتي ورځپاڼو په خپلو نننیو ګڼو کې د هېواد پر بېلابېلو سیاسي، پوځي، سیمې او د نړۍ روانو پېښو په اړه يو لړمطالب او راپورونه خپاره کړي دي.

د باختر آژانس خبريال د دغو ورځپاڼو خپرونو ته په کتنې سره دغه رپوټ چمتو  کړى دى.

د اطلاعاتو روز ورځپاڼې ” د افغانستان اسلامي امارت: چين په باميانو کې د حرارتي برېښنا د تولید دستګاه جوړوي  “ترعنوان لاندې لیکلي دي.

په باميانو کې د اسلامي امارت سيمه ييز مسوولين وايي چې د چين دولت په باميانو کې د حرارتي برېښنا د توليد دستګاه جوړوي.

چينايي پلاوي د دغې دستګاه د جوړولو په اړه  په دې وروستيو وختو کې د باميانو له والي ملا عبدالله سرحدي سره ليده کاته او خبرې اترې کړې دي.

د باميانو والي مطبوعاتي دفتر په يوه خبرپاڼه کې ويلي چې چين د کهمرد ولسوالۍ  د کليچ کان له ډبرو څخه په استفادې سره د حاجي ګګ د اوسپنې کان د اېستلو لپاره  د حرارتي برېښنا د توليد يوه دستګاه جوړوي.

د ٨ صبح ورځپاڼې د”   امريکا د ايران پر خلاف د بنديزونو د زياتوالي لپاره به اټومي خبرو ته لارښوونه وکړي”  تر عنوان لاندې لیکلي دي.

امریکا له ایران سره د اټومي  خبرو د بيا پيلولو لپاره د طرحې له جوړولو سره جوخت د دغه هېواد پرخلاف د زياتو بنديزونو د لګولو لپاره  د لارو چارو په لټه کې دي.

د امريکا دولت په داسې حال کې پر ايران  د زياتو بنديزونو د لګولو خبر ورکوي چې  ايران د سختو اقتصادي بنديزونو په دليل له زياتو ستونزو سره مخ شوى دى.

په همدې حال کې امريکايي  مقامات ادعا کوي چې د ايران د اټومي پروګرام په اړه موافقې ته د رسېدو لپاره هلې ځلې کوي.

\  ذ

دوام

ورته لیکنې

دکمه بازگشت به بالا