خبرونهتبصره او مطبوعاتو ته کتنه

په کابل کې د ځینوغیر دولتي ورځپاڼو خپرونو ته یوه کتنه

کابل، د زمري١٣ مه، باختر

یو شمېرغيردولتي ورځپاڼو په خپلو نننیو ګڼو کې د هېواد پر بېلابېلو سیاسي، پوځي، سیمې او د نړۍ د روانو پېښو په اړه يو لړمطالب او راپورونه خپاره کړي دي.

د باختر آژانس خبريال د دغو ورځپاڼو خپرونو ته په کتنې سره دغه رپوټ چمتو  کړى دى.

د ٨ صبح ورځپاڼې د”   د افغانستان اسلامي امارت امريکا او چين ته: خپل اختلافات له مناسبې لارې حل کړئ   ” ترعنوان لاندې لیکلي دي.

د افغانستان اسلامی امارت د بهرنيو چارو وزارت د تايوان په اړه د امريکا او چين ترمنځ د اختلافونو په اړوند ويلي، چې دواړه هېوادونه دې خپل اختلافات له مناسبې لارې حل کړي.

د افغانستان اسلامي امارت د بهرنيو چارو وزارت وياند عبدالقهار بلخي د زمري په ١٢مه په يوه تويټ کې ليکلي، چې د چين او د امريکا د متحده ايالاتواړيکې د سيمې  پر امنيت، ثبات او سوکالۍ اغېزه کوي.

د يادونې وړ ده چې  تايوان ته د امريکا د استازو مجلس د رييسې نانسي پلوسي له سفر وروسته د واشنګټن او بيجينګ ترمنځ اختلاف زيات شوي دي.

د اطلاعاتو روز ورځپاڼې د ” يوه بهرنى بنسټ په هرات کې ٥٠٠ تنو ته د حرفوي زده کړو زمينه برابره کړې ده  “ترعنوان لاندې لیکلي دي.

په هرات ولايت کې يو بهرني بنسټ د ٣٠٠ ښځو په ګډون ٥٠٠ تنو ته د حرفوي زده کړو زمينه برابره کړې ده.

دا پروګرام پرون د اسلامي امارت د کار او ټولنيزو چارو وزارت د سرپرست له خوا پرانستل شو.

په دې پروګرام کې د خياطۍ، لاسي صنايعو،. غالۍ اوبدلو، د مبايل ترميم، د برېښنا انجينرۍ او آرايشګرۍ  په ګډون ١٨ حرفې شته چې په شپږو مياشتو کې ٥٠٠ تنو ته روزنه ورکول کېږي.

د مرسي ډلې د موسسې مسوول جک بايرن وويل چې د دغه پروګرام برخه وال د کورنيو بېځايه شويو بېوزلو او د راستنېدونکو کورنيو غړي شامل دي.

نوموړي وويل چې  د زده کړې له دوري وروسته فارغانو ته د کاروسايل هم ورکول کېږي.

دوام

ورته لیکنې

دکمه بازگشت به بالا