سیاستخبرونهامنیت

په کابل کې د کاناډا سفير طالبانوته په خطاب کې : د روژې د مبارکې مياشتې په درناوي اوربند وکړئ

کابل /د وري  ٢٤مه /باختر

په کابل کې د کاناډا سفير د روژې مبارکه مياشت د مهربانۍ او د زغم مياشت وباله او په افغانستان کې يې  له ښکيلو لورو په تېره بيا د طالبانوله ډلې وغوښتل چې لږ ترلږه په دې مياشت کې له وژلو لاس واخلي.

ريدسيرز په يو پيغام کې ويلي دي  ( روژه د مهربانۍ، صدقې او د تاوتريخوالي د بندولو مياشت ده .

په افغانستان کې ښکيل لورې په تېره بيا طالبان بايد د دغې مياشتې په درناوى سراسري اوربند ته غاړه کېږدي)

هغه په افغانستان کې د زياتو تاوتريخوالې له امله انديښنه څرګنده کړه اوله طالبانويې وغوښتل  چې د خبريالانو ، مدني فعالانو،ښځو اوماشومانو په ګډون د ملکي وګړو وژنې پاى ته ورسوي.

د روژې د مبارکې مياشتې په درشل کې په لسګونواسلامي هېوادونو او د بشر د حقونو بنسټونو په افغانستان کې له ښکيلو لورو وغوښتل  چې لږ ترلږه په  دې مبارکه مياشت کې له تاوتريخوالي لاس واخلي .

طالبانوتراوسه دغوغوښتنوته غبرګون نه دى ښودلى خو د افغانستان حکومت په وار وار په هېوا د کې د سولې د ټينګښت لپاره د سراسري اوربند غوښتنه کړې ده .

ختم- ج _ا

دوام

ورته لیکنې

دکمه بازگشت به بالا