کابل، د لېندۍ ۱۴مه، باختر
د کرنې، اوبولګولو او مالدارۍ وزارت د مالدارۍ او حیواني روغتیا لوی ریاست مسوولین وایي، چې د کابل ښار د ګزک بت خاک سیمه کې یې څه باندې ۵ ټنه تاریخ تېر درمل او واکسینونه له منځه وړي دي.
د دغه ریاست مسوولینو باختر آژانس ته وویل، چې ۱۸۰ قلمه درمل او واکسینونه یې په کابل ښار کې د حیواني روغتیایي کلینیکونو او درمل پلورنځیو څخه د څارنې او ارزونې په ترڅ کې راټول کړي وو، چې ټول ارزښت یې ۵ میلیونه افغانیو ته رسېږي.
د مسوولینو په خبره، دا توکي د کابل ښار له درمل پلورنځیو او شرکتونو څخه راټول شوي او اړوندو کسانو سره یې قانوني چلند شوی دی.
لمر
