کابل، د وږي لومړۍ نېټه، باختر
امنیتي سرچینو په پلازمېنه کابل ښار کې د غلا په تور د یوې ۵ کسیزې ډلې د نیول کېدو خبر ورکړی دی.
د کابل امنیې قومندانۍ د یوې خبرپاڼې په خپرولو سره ویلي، چې یاد کسان د ښار اړوند د ۱۸مې امنیتي حوزې په مربوطاتو کې امنیتي ځواکونو په داسې حال کې نیولي، چې د غلا هڅه یې کوله.
په خبرپاڼه کې زیاته شوې، چې له یادو کسانو سره دوه تومانچې هم نیول شوې دي.
سرچینې په دې اړه نور جزئيات نه دي خپاره کړي.
