يوه زړه ميرمن دخپلو دوو تنو لمسيانو له ټپي کيدو وروسته دزړه ددريدو له ستونزې سره مخامخه شوه .

کابل باختردسلواغې  پنځه ويشتمه :
په فارياب ولايت کې يوه شپيته کلنه ميرمن   له هغه وروسته  دزړه له دريدو سره  مخامخه شوه  چې دماين په چاودنه کې يې دخپلو دوو تنو لمسيانو  دټپي کيدو  خبر واوريد .
  دفارياب ولايت   د ګرزيوان ولسوال  عبدالرزاق کاکړ  دباختراژانس خبريال ته وويل  طالبانو  د سيمه ئيزو پوليسو  ديو سرګروپ  خان شيرين کور ته څيرمه ماين ښخ کړى و خو دپوليس  دوه تنه ماشومان  دماين  ښکار شول .
ددغو ماشومانو نيا  ددغې پيښې  له کتنې وروسته  دزړه له دريدو سره مخامخه شوه .
ټپيان  دميمنې په ښار کې دافغان ترک  روغتون ته وليږدول شوې  او دروغتيايي  مسوولينو دڅرګندونوله مخې، ديو تن ټپي روغتيايي حالت خراب دى .