کابل – باختر دسلواغې دمياشتې ١٣
په ارزګان ولايت کې په لسګونو تنو ددغه ولايت د والي او دولايتي شورا د رييس دګوښه کيدو غوښتنه وکړه .
د ترينکوت له ښار څخه مظاهر کوونکې د ولايت د ودانۍ په وړاندې راټول شوي وو او له دولت څخه يې وغوښتل چې د ارزګان والي اميرمحمد آخوند زاده او ددغه ولايت د ولايتي شورا رييس له دندې څخه ګوښه شي.
مظاهره کوونکې د ارزګان په والي او د ولايتي شورا په رييس د اداري فساد او
له سوداګرو څخه د بډې اخستنې تور لګوي او خبردارى ورکوي که چيرې دولت
د دوي غوښتنې ونه څيړې خپل اعتصاب ته به دوام ورکړي.
د ارزګان والي اميرمحمدآخوند زاده د باختر آژانس خبريال ته وويل :
مظاهره کوونکو خپل شخصي ګټو ته درسيدو او دغير قانوني کارونو دترسره کولو په خاطر په مظاهرو لاس پورې کړى او هغه تورونه چې مظاهر کوونکې په ده لګوي ردوي.
0 1 دقیقه لوستل