کابل – باختر د ثور دمياشتې ٢٥
د جنوب لويديځې حوزې د فوټبال انتخاباتي سيالۍ پرون په قندهارکې پيل شوې.
دکابل دفوټبال فدراسيون مرستيال عبدالبصير قيومي دباختر آژانس خبريال ته وويل چې په دغو سياليوکې د هلمند، زابل او د روزګان له ولايتونو څخه درې ټيمونو او له قندهارڅخه هم درې ټيمونه ګډون لري چې د څلورو ورځو لپاره لوبې کوي.
د قيومي دڅرګندونو له مخې: د دغو سياليو موخه د ميوند اتلانو ټيم ته د غوره څيرو پيژندنه او او انتخابول دي .
