کابل، د لېندۍ ۲۹مه، باختر
د عدلیې وزارت ویلي، چې د غصب شویو ځمکو د راګرځولو تخنیکي هیئت په کندز کې شاوخوا ۷ زره جریبه غصب شوې ځمکه تثبیت کړې ده.
د عدلیې وزارت په یوه خبرپاڼه کې ویلي، چې غصب شویو ځمکو د راګرځولو تخنیکي هیئت د امام صاحب ولسوالۍ په چهل کپه، شېرخان بندر او چموس کول سیمو کې ۷ زره جریبه غصب شوې ځمکه تثبت کړې ده.
په خبرپاڼه کې زیاته شوې، چې ياد هیئت اړوندو مسوولينو ته لارښوونه کړې، چې په دې برخه کې د کرنيزو ځمکو د اجارې په اړه هم اقدام وکړي.
لمر
