کابل/باختر/ د چنګاښ ٢٤ مه
د کليو د بيا رغاونې او پراختيا وزارت د ولسي تړون ملي پروګرام د څلورو مليونو افغانيو په لګښت په قندهار کې د يوه لومړني ښوونځي لپاره ودانۍ رغوي .
باختر اژانس ته د کليو د بيا رغاونې اوپراختيا وزارت د ولسي تړون د ملي پروګرام د عامه اطلاعاتو د ادارې مسوول ويلي چې، دغه ودانۍ د قندهار د پنجوايي ولسوالۍ په مربوطاتو کې رغول کېږي .
د يو بل خبر له مخې، د کليو د بيا رغاونې اوپراختيا وزارت د ولسي تړون ملي پروګرام د څه د پاسه درې مليونو افغانيو په لګښت په قندهار کې د يوه لومړني ښوونځي لپاره ودانۍ جوړوي .
د کليو د بيارغاونې او پراختيا وزارت د ولسي تړون د ملي پروګرام دعامه اطلاعاتو ادارې باختراژانس ته خبر ورکړ، چې دغه ودانۍ د څه د پاسه درې مليونو افغانيو په لګښت د قندهار د تخته پل ولسوالۍ په مربوطاتو کې رغول کېږي.
د يادې ودانۍ په رغېدو سره به په تخته پل ولسوالۍ کې ٢٦٠ زده کوونکو ته د زده کړې زمينه برابره شي .
ختم_ عطاالله_ اکرم
