کابل/ باختر/ د غويي د مياشتې ۲۹ مه
په هرات ولايت کې د نښتې له امله يو وسله وال طالب ووژل شو او دوه تنه نور يې ونيول شول .
دغه وسله وال طالبان چې د کهسان او غوريانو ولسواليو ترمنځ پولې ته څېرمه په دښت چارسو سيمه کې د هرات _ اسلام قلعه د لويې لارې د نا امن کولو په موخه راغلي وو؛ د پوليسو له غاښ ماتيدونکي ځواب سره مخامخ شول.
د هرات ولايت يوې امنيتي سرچينې باختر آژانس ته وويل چې د دغې نښتې په بهيرکې يو وسله وال طالب ووژل شو او دوه تنه نوريې ونيول شول .
ختم_ عطاالله_ اکرم
