دپاکستاني طالبانو تحريک دسول دخبرو لپاره په پنځلسو بندونو کې يوه طرحه وړاندې کړې ده.

اسلام آباد – ډي  ډان  – باختر دسلواغې دمياشتې ٢١
دپاکستاني طالبانو دتحريک شورا د پاکستان له حکومت سره ددغې ډلې دسولې دخبرو د پرمخ بيولو لپاره په پنځلسو بندونو کې يوه  مسوده برابره کړې ده  او هغه يې  په وزيرستان کې دسولې دکميټې دمرکچيانو او استازو ته وړاندې کړې  ده .
باختر آژانس دپاکستان د ډان دورځپاڼې د انټرنټي سايټ  له خولې خبر راکړ ، چې دپاکستاني طالبانو دتحريک شورا د شنبې له ورځې راپه دې خوا داميرشيخ خالد حقاني تر نظر لاندې غونډه لرله په دغې مسوده کې دغه موضوعګانې شته.
١–  دبې پيلوټه الوتکو د بريدونو بندول
٢-دپاکستان په محکمو کې دشريعت دقوانينو معرفي کول
٣-  د دولتي او خصوصي ښوونې او روزنې په سيسټم کې د اسلامي سيسټم
      معرفي کول.
٤-  دپاکستان له جيلونو څخه دپاکستاني او دبهرنيو طالبانو آزادي.
٥-دهغواماکنو بيا جوړول او د غراماتو ورکول چې دبې پيلوټه الوتکو دبريدونو
      له امله زيانمنې شوي دي
٦-  سيمه ييزو ځواکونو ته دقبايلي سيمو د کنټرول سپارل.
٧-  له قبايلي سيمو څخه دپاکستاني پوځيانو وتل او دپلټنې دټولو پوستو تړل.
٨-  دطالبانو پرخلاف ډتولو لګول شويو جرمي  تورونو  ردول.
٩- د دواړو لورو دبنديانو خصلاصون  (  له طالبانو سره دحکومتي ځواکونو بنديان او دپاکستان دحکومت په جيلونو کې د طالبانو بنديان  ).
١٠-  دشتمنو او بيوزلو په ګډون دټولو خلکو لپاره برابره  حقوق.
١١-  دهغو کورنيو غړو ته د کار دزمينو برابرول چې دبې پيلوټه الوتکو دبريدونو
          له امله زيانمنې شوي دي .

١٢-دبانکي ګټې دسيسټمونو پاى ته رسول .
١٣ – د تروريزم پرخلاف مبارزه کې له امريکا سره دپاکستان د ملاتړ بندول.
١٤- په اسلامي سيسټم  د دموکراتيک حکومت دسيسټم بدلون.
١٥-دامريکا له متحده ايالاتو سره د ټولو اړيکو  بندول.