کابل باختر د مرغومي لومړي :
نهه تنه وسله وال طالبان په روزګان ولايت کې له پوځيانو سره په جګړه کې ووژل شول .
جګړه نن سهار په چارچينو ولسوالۍ کې دپوځيانو دسپرلۍ په کاروان دوسله والو طالبانو له بريد وروسته ونښته .
دافغانستان په جنوب کې دملي اردو يو قوماندان باختراژانس ته وويل په دې جګړه کې نهه تنه وسله وال طالبان ووژل شول .
دى وايي په دې بريد کې وسله والو طالبانو ته دسردزيان په اوښتو برسيره ددغې ډلې څو سنګرونه او وسلې هم له منځه وړل شوي دي .
ويل کيږي په دې جګړه کې سرتيرو او دسيمې اوسيدونکو ته زيان نه دى اوښتى
ختم_ ج _ اکرم
