کابل، د وږي ۶مه، باختر
د پکتیکا د کلیو، بیا رغونې او پراختیا ریاست مسوولین د دغه ولایت په یوسف خېلو ولسوالۍ کې د ۱ میلیون ۴۳ زره افغانیو په لګښت پر یوه سړک د کریر اچولو چارو د پیل خبر ورکوي.
د یاد ولایت د کلیو، بیارغونې او پراختیا ریاست مطبوعاتي مسوول د باختر آژانس سیمه ییز خبریال ته وویل، چې د یاد ریاست له لوري د یوسف خېلو ولسوالۍ په جرکنه کلي کې د ۱۰ کیلو متره په اوږدوالي پر یوه سړک د کریر اچولو او د ۸۵ متره په اوږدوالي د استنادې دېوال د جوړولو چارې پیل شوې دي.
د یادونې وړ ده، چې د یاد سړک په رغولو سره به د سیمې خلکو د تګ راتګ په برخه کې آسانتیاوې برابرې شي.
