کابل باختردتلې د مياشتې ٢ :
د ننګرهار په حصارک ولسوالۍ کې د صاعقه حصارک د چاڼيزو عملياتو په دوام ١٨ تنه تروريست طالبان ووژل شول او څلور تنه نور يې ټپيان شول.
د ملي دفاع وزارت مطبوعاتي دفترباختر آژانس ته خبر ورکړ :
د ننګرهار ولايت د حصارک ولسوالۍ په بېلابېلو سيموکې د امنيتي ځواکونو عمليات دوام لري او د تيرو څلرويشتو ساعتو په بهيرکې د دغې ولسوالۍ په مربوطاتوکې د توپچي او هوايي ځواکونو د ګوزارونو په نتيجه کې د دولت اتلس تنه وسله وال مخالفين ووژل شول او څلور تنه نور يې ټپيان شول.
دغه راز د حصارک ولسوالۍ د امنيت د تامينولو په مقصد د وګړني پاڅون کوونکو او د ملي او سيمه ييزو پوليسو نوې پوستې جوړې شوې او د دغو پوستو تحکيماتي کارونه د ٢٠١ سيلاب قول اردو د انجينرى ټيم له خوا دوام لري.
