کابل – باختر دمرغومې دمياشتې ٢٥
دملي دفاع وزارت خبري منابع وايي ، د وسله والو طالبانو د ډلې يو قوماندان
يې په پکتيا ولايت کې نيولى دى.
دملي دفاع وزارت دويندوي مطبوعاتي دفتر باختر آژانس ته خبر ورکړ:
دملي اردو ځواکونو دپکتيا ولايت د زرملې ولسوالۍ په مربوطاتو کې دسولې او ثبات د ټينګښټ په مقصد چاڼيز عمليات ترسره کړل چې له امله يې د وسله والو طالبانو يوقوماندان چې په دغې ولسوالۍ کې يې په يوشمير تروريستي فعاليتونو کې رول درلود له وسلو سره يې ونيول شو .
ديوبل خبرله مخې : دملي اردو ځواکونو دپکتيکا، غزني ، قندهار او دفارياب دولايتونو په مربوطاتو کې په يو لړ جلاجلا عملياتو کې يوولس ميله سپکې وسلې، لس کيلوګرامه چاوديدونکي توکي ، شل ماينونه د بى – ام- ٤٠ توغندي يوماين او يو ٨٢ ملي مترى توب په عملياتو کې دشاملو ځواکونو لاسته ورغلي دي.
