کابل باختر دغبرګولي نهمه :
ديوه سوداګر مړى په مزارشريف ښار کې دابن سينا حوزوي روغتون ته وليږدول شو. دابن سينا دحوزوي روغتون سرطبيب خواجه محمد فيض دباختراژانس خبريال ته خبر ورکړ : دمړي په کتلو سره څرګنده شوه چې دغه سړى په ډزو سره وژل شوى دى .
ددغه سوداګر ديوه خپلوان له خولې صديق الله له هالنډ څخه مزارشريف ته راستون شوى و .
يوې اړونده سرچينې وويل :سوداګر دقندهار ولايت اصلي اوسيدونکى وو او دپانګونې لپاره مزارشريف ښار ته راغلى و چې دناپيژانده وسله والو له خوا په شاه جهان تنګي کې چې دمزارشريف ښار په جنوب کې پروت دى ووژل شو .
يوې امنيتي سرچينې وويل: دپيښې عاملين له سيمې څخه تښتيدلي او دپيښې دعاملينو د نيولو لپاره عمليات پيل شوي دي .
