-کابل / دچنګاښ٢٣مه/ باختر:
په ميدان وردګو کې د پوځيانو پرپوستې د وسله والو طالبانو په بريد کې درې وسله وال طالبان ووژل شول او دوه تنه نور ټپيان شول .
د ٢٠٣ تندر قول اردو مطبوعاتي دفتر باختراژانس ته خبرورکړ، وسله والو طالبانو پرون دميدان ښار د خواجه ميداني بابا په کلي کې د پوځيانو پرپوستې بريدوکړ، چې د جګړې په پايله کې درې وسله وال طالبان ووژل شول او دوه تنه نور ټپيان شول.
د ٢٠٣ تندر قول اردو د پنځمې لوا ځواکونو د هېواد د هوايي ځواکونو په ملاتړ د طالبانو بريد شنډ او له ماتې سره مخ کړ .
په خبرپاڼه کې څرګنده شوې ده ، دميدان وردګو لپاره د وسله والو طالبانو د استخباراتو مسوول قاري وحيد هم په وژل شويو کسانو کې شامل دى .
په دې جګړه کې پوځيانو ته زيان نه دى اوښتى .
ختم _ج _اکرم
