خبرونهاقتصاد

چینایان په افغانستان پر کانونو پانګونه کوي

کابل، د غبرګولي٢٥مه، باختر

مسلمان چيني سوداګر عيسی محمد د هرات له والي شيخ الحديث مولانا نوراحمد اسلام جار سره وکتل.

نوموړي د دې کتنې موخه په هرات کې پانګونه وبلله.

عيسی محمد د دغه سفر او په افغانستان کې  د پانګونې موخه په دغه هېواد کې سراسر امنيت او انسان دوستي وبلله.

د هرات والي په دې کتنه کې وويل، چې افغانستان د سوداګرۍ او پانګونې لپاره مناسب ځاى دى او د هرات سيمه ييزې ادارې  مسوولين او د اسلامي امارت مشران له ملي او نړيوالو سوداګرو هر اړخيز ملاتړ کوي.

د يو بل خبر له مخې؛  چيني سوداګر محمد عيسی د هرات د اطلاعات او فرهنګ له رئيس سره وکتل.

نوموړي په دې کتنه کې وويل څرنګه چې افغانستان زيات  کانونه لري ټاکل شوې ده  چې چيني سوداګر د کانونو د اېستلو په برخه کې پانګونه وکړي.

د اطلاعاتو او فرهنګ رئيس مولانا نعيم الحق حقاني وايي، د خوښۍ ځاى دى چې بهرني سوداګر په بشپړ ډاډ او امنيت سره  د هرات له بېلابېلو ځايونو کتنه کوي.

مولانا حقاني د هرات له کانونو، د سمنټو د پروژې يادونه وکړه او ويې ويل، چې د افغانستان اسلامي امارت چمتو دى، چې د اصولو له مخې د بهرنيو هېوادونو له دولتي او خصوصي شرکتونو سره قرارداد وکړي.

\ ج

دوام

ورته لیکنې

دکمه بازگشت به بالا