کابل، د وږي ۲۶ مه، باختر
د کندهار د کرنې، اوبولګولو او مالدارۍ ریاست مسوولین وايي، چې د یاد ولایت په ارغستان ولسوالۍ کې د ۶۹ زره امریکايي ډالرو په لګښت د شکرینه کانال د جوړولو چارې بشپړې او ګټې اخیستنې ته وسپارل شوې.
د کندهار د کرنې، اوبولګولو او مالدارۍ ریاست ویاند ننګیالي سمون د باخترآژانس خبریال ته وویل، چې یاد کانال د ۱۲۰۰ مترو په اږدوالی د ROP-AMP پروګرام د اوبولګولو ټیم له لوري په پاخه او اساسي توګه رغول شوی چې شاوخوا ۱۷۵ هکتاره ځمکه خړوبوي.
د یادونې وړ ده، چې یاد کانال به د اوبو په سپما کې مهم رول ولري او بزګرانوته به د اوبولګولو په برخه کې زیاتې آسانتیاوې رامنځته کړي.
