خبرونهامنیت

یو سړی په کابل کې ووژل شو

کابل / د وري ۲۶ باختر

یوسړی پرون د کابل ښار د دریمې ناحیې د دهبوریو په ساحه کې په خپل کورکې د ناپېژاندو وسله والو له  لوري ووژل شو.

د کابل د امنیې قوماندانۍ ویاند فردوس فرامرز د باخترآژانس خبریال ته وویل : دغه سړی فدا محمد نومېږي،  پرون د کابل ښار د دريمې ناحیې د دهبوریو په ساحه کې په خپل کورکې د نا پېژاندو وسله والو له لوري په مرموزه توګه وژل شوی دی.

پولیسو د دغې پېښې په اړوند تحقیقات پیل کړي دي .

دا په داسې حال کې ده چې پولیسو پرون یوه ښځه چې ځان یې د امنیت کارکوونکې معرفي کوله له قانوني جواز پرته له دوو تومانچو او یوې مخابرې سره د کابل ښارد دريمې ناحیې د څلورمې کارتې په ساحه کې ونیوله .

پای-ع

دوام

ورته لیکنې

دکمه بازگشت به بالا