کابل -باختر دکب اتلسمه :
دغزني ولايت سيمه ئيزو مقاماتوپه دغه ولايت کې دوسله والو طالبانو د ډلې دچاوديدونکو توکو ديوې سترې ډيپو دکشف خبر راکړ .
دغه ډيپو پرون دمقر ولسوالۍ دخوزايي ساحې د چارقلعه په سيمه کې دوسله والو طالبانو په يوه پټنځي د پوليسو په ځانګړو عملياتو کې کشف شوه .
دغزني ولايت دمقر ولسوال صاحب خان باختراژانس ته وويل چې په دې ډيپو کې په لسګونو ماينونه اوبمونه ، څوارلس بوشکې چاوديدونکي توکي او له اته سوه مترو مزو سره دوه سوه پنځوس کيلوګرامه نور چاوديدونکي توکي ترلاسه شوي دي . دمقر ولسوال وايي چې وسله والوطالبانودغه چاوديدونکي توکي دبمونو ، ماينونو او دځانمرګو واسکټونو دجوړولو لپاره کارول .
ويل کيږي چې دطالبانو په دغه پتڼځي دسيمه ئيزو پوليسو دعملياتو په بهير کې جګړه ماران په تيښتې بريالي شوي دي .
