کابل باختردتلې د مياشتې ٤ :
دنيمروز ولايت دکنګ ولسوالۍ په سړک په کريړ اچولو سره ١٠٢ کورنيو ته ترانسپورتي اسانتياوې برابرې شوې.
دنيمروز دوالي وياند احمدعرب دباخترآژانس خبريال ته وويل : چې ددريو کيلومترو په اوږدوالي په سړک په کريړ اچولو سره درې کلي هم ددغې ولسوالۍ له مرکز سره نښلول کيږي.
يوه اړونده خبرځاى وويل ؛ چې په دغه سړک دکليو دبيا جوړولو اوپراختيا وزارت دکليوالي لارې جوړولو دملي پروګرام له لارې د پنځو مليونو دوه څلويښتو زرو افغانيو په لګښت کريړ اچول شوى دى او ددغه سړک دپرانيستلو په مراسمو کې دنيمروز والي انجينر محمدسميع او نورو مقاماتو برخه لرله .