کابل/ د وري ۲۵مه/ باختر
د افغانستان اسلامي جمهوریت جمهوررئیس محمداشرف غني نن د ایران، هند او بریتانیا سفیرانو، بهادر امینیان، رویندرا ټنډن او مېرمن الیسون بلیک سره په جلاجلا په ګلخانې ماڼۍ کې وکتل.
په دغه کتنه کې چې د جمهوري ریاست لومړي مرستیال امرالله صالح هم حضور درلود، د سولې بهیر د پرمختګ په اړه بحث او خبرې وشوې او په افغانستان کې د عادلانه او تلپاتې سولې او ثبات پر تامین ټینګار وشو.
