کابل – باختر د ليندۍ دمياشتې ٢٢
٤ تنه ډار اچوونکي پرون دپروان ولايت په مربوطاتو کې دکورنيو چارو وزارت دعامه نظم او امن دپوليسو له ځواکونو سره په نښته کې ووژل شول.
دکورنيو چارو وزارت مطبوعاتي دفترباختر آژانس ته خبر ورکړ چې ددغې جګړې له امله په وژل شويو کسانو کې په عماد الدين مشهور ملا نعيم کور هم شامل دى.
ده د تروريستي عملونو په طرحه کولو او پلان جوړولو په تيره بيا دپروان ولايت دسياه ګردولسوالۍ په مربوطاتو کې دملکي وګړو په وژنه کې مهم رول درلود.
