کابل/ د ثور٦ مه/ باختر
د لوګر د امنيې قوماندانۍ منسوبانو د دغه ولايت په مرکز کې د مهماتو د يوې زيرمې د کشف خبر ورکړ.
د لوګر د امنيې قوماندانۍ وياند احمدالله انس د باخترآژانس سيمه ييزخبريال ته وويل، چې د امنيې قوماندانۍ منسوبانو دغه زېرمه تېره شپه د ځانګړو عملياتو په بهير کې په کلنګار کلي کې کشف او ترلاسه کړې ده.
د هغه د څرګندونو له مخې؛ له کشف شوې زيرمې څخه ٣٤ د توغندې ګولۍ، ٤٠ لاسي بمونه، ٤ زره د کلاشينکوف ګولۍ، ٢ زره د پيکا ګولۍ او نور پوځي تجهيزات ترلاسه شوي دي.
هغه زياته کړه، چې د پېښې په تړاو څوک نه دي نيول شوي.
\ ذ