سیاستخبرونهټولنه

د افغاني سرې میاشتې مرستیال په افغانستان کې د قطر هېواد د سرې میاشتې له مسؤل سره وکتل

کابل، د لېندۍ ۲۵مه، باختر

د افغاني سرې میاشتې مرستیال ملا نورالدین ترابي نن په افغانستان کې د قطر هېواد د سرې میاشتې له مسؤل احمد العثماني او د سوري زړه د درملنې د کورنیو روغتونونو له مسؤلینو سره وکتل.

په دې کتنه کې د سوري زړه پر ناروغۍ د اخته هغو ماشومانو په تړاو خبرې اترې وشوې چې په کور د ننه یې درملنه ناشونې ده.

په دغه ناسته کې ملا نورالدین ترابي د قطر هېواد د سرې میاشتې له مرستو د مننې تر څنګ د قطر د سرې میاشتې له استازي غوښتنه وکړه، هغو ماشومانو ته چې افغانستان کې یې درملنه نه کېږي؛ د اسانتیاوو په رامنځته کولو کې افغاني سرې میاشتې ته د مرستې لاس ورکړي.

ورته مهال احمد العثماني په خپلو څرګندونو کې ژمنه وکړه، چې تر خپله توانه به په دې برخه کې له افغاني سرې میاشتې سره همکاري وکړي.

 

نور ښکاره کړئ

اړونده مقالې

بیرته پورته تڼۍ ته