کابل/ د سلواغې ٧ / باختر:
د اسلامي امارت کابینې پریکړه کړې، چې د ځینو دولتي کارکوونکو معاشونه به له دې وروسته د متعمدينو له لارې ورکول کېږي.
د باختر آژانس د خبرله مخې؛ د اسلامي امارت کابینې د مالیې وزارت ته لارښوونه کړې چې د هغو دولتي مامورینو معاشونه او امتیازات چې د بانکي خدمتونو له پوښښ څخه بهر په سیمو کې فعالیت کوي د معتمدينو له لارې په نغدي توګه ورکړي.
د اسلامي امارت کابینې ویلي دي د ځینو لرو پرتو سیمو د کارکوونکو معاشونه چې د بانکي حسابونو له لارې ورکول ممکن نه دي، له همدې امله د دوی معاشونه او امتیازات د معتمدينو له لارې ورکول کېږي.
د یادونې وړ ده چې له وروستیو پرمختګونو وروسته په افغانستان کې د بانکي خدمتونو په وړاندې کولو کې يو څه ستونزې رامنځته شوي دي خو د افغانستان مرکزي بانک وايي چې په هېواد کې د بانکي خدمتونو د وړاندې کولو د بهیر د عادي کولو په خاطر هڅې روانې دي.
\ ذ