کابل، د چنګاښ ۱۳ مه، باختر
د ترینکوټ – قندهار پر لویې لارې د یوې ترافیکي پېښې له امله ۵ تنه ووژل شول او ۶ تنه نورټپیان شول.
دغه پېښه تېره شپه هغه وخت رامنځته شوه چې ۲ مسافر وړونکي موټرو ټکر وکړ.
د ترینکوټ- قندهار د لویې لارې د ترافیکو ادارې یوې سرچینې باختر آژانس ته وویل، چې په دې پېښه کې ۵ تنه وژل شوي او ۶ تنه نور ټپیان شوي دي.
د پېښې په قربانیانو کې دوې ښځې، ۲ نارینه او یو ماشوم شامل دي.
د روزګان په مرکزي روغتون کې ډاکترانو د ۲ ټپیانو روغتیايي حالت نازک بللی دی.
د ترافیکو مسوولین د دغې ترافیکي پېښې اصلي علت د موټر چلوونکو ګړندیتوب او بې احتیاطی بولي.
ع