سیاستخبرونهامنیت

د تېر حکومت د دفاع وزارت ویاند، دولت وزیري بېرته هېواد ته راستون شو

کابل، غبرګولي۱۵مه، باختر

د تېر حکومت د دفاع وزارت ویاند جنرال دولت وزیري، د افغان شخصیتونو سره د اړیکو کمېسیون په هڅو نن بېرته خپل هېواد ته راستون شو.

د افغان شخصیتونو سره د اړیکو کمیسون غړو په هوايي ډګر کې د نوموړي هرکلی وکړ.

دولت وزیري چې د کابل په نړیوال هوايي ډګر کې يې له رسنیو سره خبرې کولې وویل چې د نوي نظام د پیاوړتیا لپاره به هیڅ ډول مشورې ونه سپموي او په وینا يې د دې کار په بدل کې کوم امتیاز هم نه غواړي.

نوموړي له هغو کسانو څخه چې په وینا يې د منفي تبلیغاتو له امله له هېواده وتلي غږ وکړ ترڅو بېرته هېواد ته راستانه شي او په ازاد او خوشحال چاپېریال کې ژوند وکړي.

هېره دې نه وي چې د افغان شخصیتونو سره د اړیکو د کمېسیون تر جوړېدو ورسته تر دې دمه د تېر حکومت یو شمېر چارواکې بېرته هېواد ته راستانه شوي دي.

افغانمل

نور ښکاره کړئ

اړونده مقالې

بیرته پورته تڼۍ ته