دميدان وردکو ولايت د جغتو ولسوالۍ دسيمه ئيزي شورا مرستيال دناپيژندل شويو وسله والو کسانو له خوا ووژل شو .
دميدان وردکو دوالي ويندوى شاهد الله شاهد دباختر اطلاعاتي اژانس ته وويل دجغتو ولسوالۍ دسيمه ئيزي شورا مرستيال معلم عزيز الله پرون د جغتو ولسوالۍ په برغولي سيمه کې د وسله والو کسانو له خوا له موټر څخه کوز کړي شو او وروسته دکلاشينکوف په ډزو سخت ټپي شو .
دخبرځاى د څرګندونو له مخې معلم عزيز الله دسيمي دخلکو په مرسته روغتون ته دليږدونې په وخت کې سا ورکړه .
دجغتو ولسوالۍ دسيمه ئيزي شورا مرستيال معلم عزيز الله يو قومي مخور او دجهاد په وخت کې په دغه ولايت کې دملي محاذ دجبهي قوماندان و .