خبرونهروغتیا

د زابل دوو ولسوالیو کې ګرځنده روغتیايي مرکزونه فعال شول

 کابل، د غوايي ۲۸ مه، باختر

د زابل د نوبهار واسیر آباد او د شملزو ولسوالۍ په سلطانزو سیمه کې (٢) ګرځنده روغتیایي مراکز فعال شول.

د عامې روغتيا رئيس ډاکټر عبدالحکیم حکيمي وایي چې شلمزو، نوبهار او شینکۍ ولسوالیو ته یې د سفر په ترڅ کې د خلکو ستونزو ته په کتو په دوو ولسوالیو کې ګرځنده روغتیايي مرکزونه فعال کړل.

د يادونې وړ ده چې د عامې روغتيا له رئيس ښاغلي حکيمي سره په دغه سفر کې د پوهنې رئيس مولوي محمد عثمان حريت هم ګډون کړی و، چې په يادو ولسواليو کې یې د ښوونځيو تعلیمي بهير و ارزاوه او مسوولینو ته یې لازمې لارښوونې وکړې.

دا په داسې حال کې ده چې لا هم د هېواد په لرې پرتو سیمو کې زیات شمېر خلک روغتیايي خدمتونو ته لاسرسی نه لري. دوی له دولته غواړي چې په سیمو کې یې روغتیايي مرکزونه جوړ کړي.

سعیده

نور ښکاره کړئ

اړونده مقالې

بیرته پورته تڼۍ ته