کابل، د غبرګولي۱۶مه، باختر
د ملګرو ملتو سازمان له مرستندويو هېوادونو غوښتي چې د ژمي له رارسېدو مخکې له افغانستان سره د ٣ ميليارده ډالرو مرسته وکړي.
دغه سازمان خبردارى ورکړى، چې دوى له افغانستان سره د نغدي مرستو له تشې سره مخ دي او تشه بايد د ژمي له را رسېدو مخکې ډکه شي.
د ملګرو ملتو سازمان وړاندې له دې د روان عيسوي کال په بهير کې افغانستان ته د بېړنيو مرستو د رسولو لپاره د ٥ ميليارده ډالرو غوښتنه کړې وه.
په دغه سازمان پورې تړلو منابعو ويلي، چې يوازې ٤،١ ميلياردو ډالرو ته لاسرسۍ پيدا کړى دى.
دغه سازمان له افغانستان سره د نورو ٣ ميلياردو ډالرو مرستې غوښتنه کړې او خبردارى يې ورکړى، چې دغه تشه بايد د ژمې له را رسېدو مخکې ډکه شي.
د ملګرو ملتو سازمان په خپل نوي رپوټ کې افغانستان د خوړو د ترلاسه کولو لپاره لومړی هېواد بللى دى.
د ښځو په برخه کې د بشر د حقوقو نړيوال کتونکي مرستيالې (هيدربار) په دې اړه يوې خصوصي راډيو ته ويلي چې د (طالبانو د حکومت او نړيوالو ترمنځ د تعامل نشتوالى د افغانستان اقتصادي حالت خراب کړى دى) .
د ملګروملتو د سازمان په نظر په افغانستان کې ٨،١٩ ميليونه تنه د سملاسي خوراکي توکو مرستو ته اړتيا لري له دې جملې څخه په افغانستان کې ١،١ ميليونه ماشومان د مړينې له خطر سره مخ دي.
د ملګرو ملتو د سازمان دغه مقام په داسې حال کې په افغانستان کې له اسلامي امارت سره د نړۍ پر تعامل ټينګار کوي، چې اسلامي امارت په وار وار ويلي، چې د اسلامي امارت او د نړۍ هېوادونو ترمنځ د روانو ستونزو د حل يوازينۍ لار د افغانستان له نوي نظام سره تعامل دى.
د دې ترڅنګ اسلامي امارت ټينګار کوي چې بشري مرستې دې بايد له سياسي ملاحظاتو پرته ترسره شي.
\ ج